Carios Sabudeureun Upacara Adat (A La Kusuma)

Dina acara Pengukuhan Pengurus Kusuma dina ping 17 Juli 2011 kapengker dipintonkeun upacara adat Sunda. Teu patos lengkep, namung lumayan we upami ngemut kana kondisi di pangumbaraan mah.

Ieu mah carios sarengsena acara Pengukuhan Pengurus KUSUMA. Minangka apresiasi (naon atuh basa sundana apresiasi??) kana suksesna upacara adat, pangurus teh gaduh niat hoyong ngajak sadaya partisipan upacara adat jalan-jalan. Teu tebih amengan mah mun ka Trans Studio Mall, tapi nu penting mah guyubna sanes?

Wengi eta (18 Juli 2011) personil upacara adat (Agus, Jaya, Alfa, Salim, Gina, Intan, Fia, Suci, Lia) katambih ku kang Delive (pelatih), Kang Yadi (pengurus Kusuma nu kapeto janten lengser), Kang Anto, Kang Ridhwan, Kang Yus (ketua seksi Kesenian & Olahraga Kusuma), Bu Neneng (Sekretaris Kusuma) sareng Teh Yusti (ketua seksi Peranan Wanita Kusuma) sadaya ngempel di ABE Cafe.
Agenda utama: BOTRAM tangtos we  :)

Sarengsena ngariung, botram, heureuy saneskanten.... pangurus Kusuma anu diwakilan ku Kang Heddi Sukarsa ngahaturkeun nuhun sareng ngadugikeun penghargaan kanggo sadaya personil upacara adat. Peryogi kauninga baraya, mayoritas personil teh urang Makassar anu teu kantos kenal kana budaya Sunda. Boro-boro kenal ka uwa lengser sareng sajabana. Anu langkung hebat deui mah, sadaya personil teu gaduh dasar tari adat. Tapi sukses! Sok tah piraku teu hebat generasi muda Kusuma teh ^_^

Sakali deui, hatur nuhun akang - eteh - adi-adi sadaya anu tos ngarojong suksesna acara Pengukuhan Pengurus Kusuma periode 2011 - 2013. Diantos saran sareng kritikanna kangge acara salajengna. Cag heula baraya.....carios sanesna behind the scene acara pengukuhan teh seueur keneh. Mangga diantos wae.....

Oncom....Oncom.....

Kamari, Minggu - 24 Juli 2011, baraya Kusuma ngariung di Taman Toraja - Maninjau 32. Agenda Kusuma mah biasa we.... BOTRAM :)

Kaleresan aya nu kenging kintunan oncom ti Bandung. Jelas, menu-na Tutug Oncom - Karedok Leunca - asin dan rerencangannyah... Aya ranginang, seblak, combro (comro??), teu asa ngumbara.

Nu sumping lumayan seueur, dugi ka sereg di lebet bumi, hareudang.. tapi da angger we teu matak janten alesan teu heureuy. Urang Sunda tea, teu iraha, teu dimana, heureuy wae.....

Riungan kamari teu mung saukur botram bari hareureuy, tapi sakantenan nangtoskeun kapanitiaan kanggo acara Ramadhan sareng Halal Bihalal taun ieu. Nu kapeto pancen ngaluluguan ieu acara teh Kang YUS RUSYANA. Mugia tiasa lancar, laksana sapaneja sadayana. Amin.

Insya Allah, riungan Kusuma salajengna di bumi kang HEDDI SUKARSA - Botolempangan 15 dinten Minggu ping 31 Juli tabuh 12. Tangtos we aya botram deui :)
Diantos nya baraya......

 kenca-katuhu:
Satria - Ny. Heddi - Bu Neneng - Teh Susi - Teh Wiwin - Teh Nopi - Kang Ewink - Kang Heddi - Kang Yus

tatih di pengker:
Kang Iwan - Kang Budi

kenca - katuhu:
Kang Iwan - Mas (naon tah hilap deui namina :p) - kang Yus (calik dina motor) - Kang Ridhwan - Kang Ewink - Kang Irvan

kenca - katuhu:
kang Ridhwan - kang Iwan - Kang Ewink (deui wae) - Kang Yadi - Kang didan (tatih) - Kang Irvan










Nu kalangkung teu kapoto hapuntenna. Numawi upami nuju aya acara kempelan teh caketan admin geura, supados kapoto. Cag heula ah baraya... Sanes waktos dilajeng deui.